En 1881, Marcel, con catorce anos, seguindo os pasos de Maurice, vai
vivir a París, á casa do seu tío materno León Cahun, que era na ocasión
director da Biblioteca Mazarine. En realidade, a casa estaba na
Biblioteca e ambas formaban parte do edificio do Instituto de Francia,
fronte ao Sena, a Ponte das Artes, e o Louvre. Marcel vivía pois
literalmente -e literariamente- nunha biblioteca e pasaba os días lendo
marabillado todo o que podía, non só os autores novos e vellos, como
Dickens, Defoe, Twain, Poe, Shakespeare e Whitman, senón moitos outros
folios, incunables e documentos que lle chamasen a atención.
Páxina 10 (introducción de Xosé Miranda)
Vidas imaxinarias de Marcel Schwob, editado por Aira no 2017. Aportado por Anxo
Neste blogue búscanse e amósanse parágrafos de obras literarias (novela, poesía, teatro, relato curto...) nas que aparece a palabra BIBLIOTECA. Para que o blogue funcione cómpre a colaboración d@s lector@s. Se eres lector@ e queres colaborar, cando atopes a palabra biblioteca nalgunha novela, poema, ou texto teatral que esteas a ler manda un email ao enderezo anacosconbiblioteca@gmail.com co texto que inclua a palabra e indica título do libro, autor, editorial, ano edición, páxina e o teu nome.
No hay comentarios:
Publicar un comentario