Laro adoitaba chegar moi cedo aos sitios, un costume que lle quedara de tanto acompañar a súa avoa cando tiña visita no centro de saúde, e instalárase no bar coa mesma meticulosidade que aplicaba ás sesións de biblioteca. páx 94
Perfecto estaba no seu buró, seguramente revisando contabilidade ou atendendo a correspondencia, e Peregrina lía na butaca, a par da fiestra, algún libro da súa pequena pero selecta biblioteca. páx 164
[...] non precisaba sete cuartos nun piso, así que deciciu sacrificar tres: un para ampliar a cociña, outro para gañar un baño e poñer unha bañeira de hidromasaxe -da que non podía prescindir despois de tantos anos acostumado a ela-, e o terceiro para que o despacho que fora de seus pais gañase unha parte destinada a aloxar a biblioteca. [...] Así, a falta de fillos, vería como medraba e se enchía de vida a súa biblioteca. páx 170
Indicoulles que a colocasen entre a porta do comedor e a da biblioteca, pediulles se lle podían tirar ao lixo os cartóns e o vurullo de plásticos e deulle un billete de propina a cada un para que fosen tomar uns viños ao acabaren a xornada. páx 172
Pousou a botelliña nun toro de marfil, sentou e mentres o portátil cargaba contemplou orgulloso a biblioteca. páx 175
Foi rápido cara á biblioteca buscar consolo na lectura. páx 177
Como bo lector, non podía saír da casa sen un libro na man, e foi ver cales lle faltaban por ler da biblioteca da nai. páx 180
Os días felices de Benvido Seixas; Eduard Velasco. Xerais 2019. Aportado por JMV
No hay comentarios:
Publicar un comentario