Trece badaladas

 px 167

Descoñezo a orixe da súa vocación, sen embargo lembro que el sempre sabía o que había detrás de cada tradición ou de cada crenza, seguramente porque os tempos mortos dos meses do inverno, cando había tan poucos turistas e peregrinos a quen guiar pola basílica e a cidade, ocupábaos en ler nos vellos códices e tombos da Biblioteca da catedral, a que atendía precisamente o cóengo Casavella, como referín antes.

px 170

Eu pregunteille ao cóengo bibliotecario Casavella e, pesia á nosa vella amizade iso negoumo; sempre me negou que houbese tal códice.

px 179

E así marchei de alí, daquel cuarto que arrefriara pola corrente de aire frío que entrara detrás miña, gardando cobizosamente aquela revista e anotando mentalmente aquela alusión ao Códex Calixtinus coa intención de estudialo con atención ao día seguinte na biblioteca da nosa catedral, marchei de alí e saín para a noite.

px 229

Libre xa desta preocupación dos  meus negocios, busquei na miña modesta biblioteca o Calixtinus e alí localicei as "Leccións segundo o Papa León e o Mestre Panicha" que me indicara Valentín e alí, na Lección IV, atopei o relato do traslado do noso santo patrón polos seus discípulos [...]

SUSO DE TORO; Trece badaladas. Xerais, 2003.

JMV